Тренерот на Милан, Стефано Пиоли, и понатаму е максимално внимателен кога се во прашање изјавите за освојување на титулата во Серија А. „Рoсонерите“ синоќа го совладаа Емполи на „Сан Сиро“ со 1:0 и имаат пет бода предност пред Интер, но градскиот ривал има два одиграни натпревари помалку.
„Мораме само да мислиме дека следниот натпревар ни е најважен. Среќни сме дека се наоѓаме на врвот, но можеби е тоа само виртуелно, затоа што има тимови со помалку одиграни натпревари. Мора да сме насочени само кон натпреварите и да не ја гледаме табелата. Емполи ни направи проблеми со додавањата во третата зона, а ние направивме премногу грешки при исфрлување на топката. Сепак, добро е што не примивме гол и остваривме победа. Одиме понатаму“, изјави Стефано Пиоли.
Интер вечерва му гостува на Торино, а Наполи исто така е гостин на Верона.