Тренерот на Милан, Стефано Пиоли, даде свој коментар за поразот на италијанскиот шампион од Наполи со 1:2 на „Сан Сиро“. Тој рече дека неговиот тим не заслужил да загуби, но, сепак, неговите фудбалери треба да извлечат поуки од поразот.
„Разочарани сме, има и причина – сакавме да ја продолжиме нашата серија без пораз. Влеговме во натпреварот со добро темпо, одигравме со силна енергија. Да се игра толку добро и да се загуби е големо разочарување. Убеден сум дека за време на паузата ќе работиме уште понапорно, посветувајќи уште повеќе внимание на деталите поради кои загубивме од Наполи“, изјави Пиоли.
По репрезентативната пауза, Милан на 1 октомври ќе му гостува на Емполи во Серија А.