Францускиот интернационалец Пол Погба одлучи да ја одбие понудата од Саудиска Арабија вредна 100 милиони евра. Ал-Хилал се обиде да го убеди Погба да се приклучи на ѕвездите кои веќе се преселија во оваа земја, но Французинот нема таква намера.
Тој својата иднина ја гледа само во Јувентус, тврди францускиот весник „Л’Екип“.
Погба имаше многу проблеми со повредите минатата сезона, го пропушти и Светското првенство во Катар, па се надева дека оваа сезона ќе се врати во вистински натпреварувачки ритам, а потоа и во репрезентацијата на Франција.
Фудбалерот за врска во професионалната кариера играше само за два тима, Јувентус и Манчестер Јунајтед.