Португалската полиција направи рација во просториите на три прволигаши, великаните Бенфика, Спортинг Лисабон и Санта Клара како дел од истрага за перење пари поврзани со трансфери на фудбалери.
Обвинителството на Португалија потврди дека биле направени речиси 30 претреси во понеделникот под водство на полицијата и даночната управа, а трите клубови ги потврдија рациите, објавувајќи дека ќе соработуваат со властите. Спортинг во соопштение објавија дека се работи за истрага за наводни нерегуларности од 2011 до 2014 и ја поздравија одлуката на владата.
Според португалската „ТВИ“, претседателот на Бенфика, Луис Филипе Виеира е главниот осомничен во истрагата, откако тој минатиот месец доби уште еден мандат за претседател во клубот каде што е од 2003 година. 71-годишниот Виеира веќе е на суд за корупција со 16 други луѓе, вклучувајќи судии за даночна измама и за местење мечеви.