Раководството на ПСЖ сака да го продолжи договорот со напаѓачот Лионел Меси, пренесува „Л’Екип“. Парижаните во блиска иднина ќе започнат преговори со 35-годишниот Аргентинец. Актуелниот договор на Меси истекува во летото 2023. ПСЖ се уверени дека ќе биде потпишан нов договор за уште една сезона.
Меси би можел да се врати во Барселона во 2023 година, но во оваа фаза нема контакт меѓу претставниците на играчот и шпанскиот клуб.
Меси минатото лето се пресели во Пари Сен Жермен откако каталонскиот клуб не успеа да му го обнови договорот.
Минатата сезона тој одигра 34 натпревари за францускиот тим, постигнувајќи 11 голови и 15 асистенции. За прв пат по 2005 година, Аргентинецот не се најде меѓу номинираните за „Златната топка“.