Крилото на Саутемптон, Нејтан Редмонд ги отфрли пишувањата на британскиот таблоид „Сан“ дека Пеп Гвардиола користел непристојни зборови при необичната дискусија по крајот на победата на Манчестер сити од 2:1 над Саутемптон во средата.
Гвардиола, некарактеристично, влезе во расправија со играчот на Саутемптон, кој со рака го криеше својот одговор. 23-годишниот Редмонд ги отфрли тврдењата на „Сан“.
Just to clear a few things up for those wondering. Funny old game isn’t it. pic.twitter.com/xUSr99MVeE
— Redz (@NathanRedmond22) November 30, 2017
„Ја видов приказната и морам да разјаснам неколку прашања. Менаџерот на Ман сити, Пеп Гвардиола не го кажа тоа што ’Сан’ го пишува. Да, тој беше страстен, интензивен и агресивен, но само ме фалеше и беше позитивен кон мене. Ги коментираше моите квалитети како англиски фудбалер и посочи дека требаше да напаѓаме повеќе како минатата година. Ништо повеќе, ништо помалку. Ништо негативно и навредливо и затоа тој е еден од најдобрите менаџери на светот. За жал оваа приказна е само показател на мрзеливо новинарство и е вистинска шега“, напиша Редмонд.
Anyone have any idea what this was all about between Guardiola and Redmond? #MCISOU #MCFC #SaintsFC pic.twitter.com/WG5ve4DBcB
— Gridiron Gaffer (@gridirongaffer) November 29, 2017