Фудбалската репрезентација на Италија ќе има голема поддршка на натпреварот против Македонија во баражот за Светското првенство во Катар. Стадионот „Ренцо Барбера“ е комплетно распродаден, објави ФИГЦ.
За помалку од пет часа денеска беа продадени и дополнителните 5.000 билети откако беа олабавени протоколите за Ковид-19.
Натпреварот меѓу Италија и Македонија се игра в четврток, со почеток од 20.45 часот, а победникот од овој натпревар ќе игра со подобриот од дуелот меѓу Португалија и Турција.