Поранешниот менаџер на Лестер, Брендан Роџерс, верува дека тимот немаше да испадне доколку тој останеше на менаџерската позиција. Роџерс доби отказ во неделата, откако „лисиците“ забележаа шест порази и едно реми во последните седум натпревари во сите натпреварувања.
„Очигледно е дека сум разочаран што заминувам толку блиску до крајот на сезоната и бев убеден дека ќе ги остварам потребните резултати за тимот да опстане во Премиерлигата.
На сите во клубот им посакувам многу среќа во постигнувањето на таа цел“, изјави Роџерс.
„Сега ќе ги наполнам батериите и сакам добро да се подготвам за следната можност. Сакам да му се заблагодарам на претседателот на Лестер и на управата на клубот што ми дадоа можност да го водам тимот и да испишувам историја со овој голем клуб во последните четири години“, дополни тој.
Вечерва Лестер ја пречекува Астон Вила во новото коло од Премиерлигата.