Шпанската „Марка“ тврди дека Кристијано Роналдо по телефон го убедува Хамес Родригез да му се приклучи во Јувентус ова лето.
Португалската суперѕвезда го замени Реал Мадрид за италијански фудбал ова лето во трансфер од околу 100 милиони евра, и очигледно животот во Торино му се допаѓа толку што постојано се обидува да ги донесе своите поранешни колеги во Јувентус.
Родригез ги одработува последните шест месеци од позајмицата во Баерн Минхен од Реал Мадрид и Баварците имаат опција да му понудат постојан договор за 35 милиони евра, но не е јасно дали тие ќе се одлучат на ваков потег. 27-годишниот Колумбиец е во Германија последните 18 месеци, но оваа сезона има само 11 лигашки настапи, од кои 5 од клупата за резерви.