Манчестер сити го комплетираа трансферот на Рубен Диаш од Бенфика за 62 милиони фунти, и Португалецот потпиша шестгодишен договор со клубот. Николас Отаменди оди во спротивен правец за 14 милиони фунти.
23-годишниот Диаш вели дека бил импресиониран од Пеп Гвардиола, и дека едвај чека да работи во неговиот „ол-раунд“ систем.
„Да се има можност да се дојде во клуб како Манчестер сити за мене е фантастична шанса и едноставно не можев да ја одбијам. Нивниот успех зборува сам за себе, а во последните неколку години играат фудбал каков што ми одговара. Да се игра за Пеп Гвардиола е огромна шанса за мене, бидејќи тој може да ја подобри мојата игра. Верувам дека ќе освојуваме титули заедно“, вели Диаш.
Тој е трето засилување за Сити овој преоден рок по централниот бек Нејтан Аке и крилото Феран Торес. Одбранбениот фудбалер може да дебитира против Лидс во сабота, и ќе биде трет Португалец на „Етихад“ по Бернардо Силва и Жоао Кансело.
ＨＥＲＥ ＨＥ ＩＳ！ ?
Welcome Ruben Dias to City!
? #ManCity | https://t.co/axa0klD5re pic.twitter.com/e1PXlBadvR
— Manchester City (@ManCity) September 29, 2020