Египетската фудбалска мега-ѕвезда, Мохамед Салах застана во одбрана на неговиот колега од репрезентацијата Амр Варда по обвинувањата за сексуално вознемирување, велејќи дека тој не треба да биде „пратен на гилјотина“.
Варда беше вклучен во голем скандал во Египет, откако британскиот модел со египетско потекло Мерхан Келер објави делови од неговите пораки со сексуална содржина, какви што тој праќал на повеќе жени. Египетската фудбалска федерација објави дека тој е исфрлен од тимот поради прекршување на дисциплинскиот код.
„Жените мораат да бидат третирани со најголема почит, и тие кои прават грешки треба да бидат поучувани да се поправат, а не да бидат пратени на гилјотина, што е најлесно. Не значи не, и тие работи треба да бидат свети. Но, секој човек кој прави грешки може да се поправи и верувам во втори шанси. Да предводиме и да едуцираме. Отфрлањето не е одговор“, вели Салах.
Women must be treated with the utmost respect. “No” means “no”. Those things are and must remain sacred. I also believe that many who make mistakes can change for the better and shouldn’t be sent straight to the guillotine, which is the easiest way out.
— Mohamed Salah (@MoSalah) June 26, 2019
Фудбалер на Египет исфрлен од селекцијата поради сексуално вознемирување