Серџи Роберто, еден од четворицата капитени на Барселона, по завршувањето на сезоната ќе го напушти клубот. Договорот на Роберто истекува на 30.јуни 2022 година и тој без обесштетување ќе го напушти „Ноу Камп“.
„Мундо Депортиво“, пишува дека 29-годишниот фудбалер, ја одбил понудата да го продолжи договорот со клубот. Роберто е дете на Барселона, тој е еден од оние фудбалери кои преку клупската академија стигнале до првиот тим.
Ситуацијата со Серџи Роберто уште еднаш покажува дека работите во Барселона се далеку од нормални. Веројатно и односот што го имаат навивачите кон него од почетокот на сезоната, придонел Роберто да донесе одлука да го напушти клубот.
Во поразот од Баерн, навивачите го исвиркаа кога излезе од теренот. Шпанските медиуми тогаш пишуваа дека долго време плачел во соблекувалната.
Според „Мундо Депортиво“, Серџи Роберто, од наредната сезона ќе го носи дресот на Интер. Спортскиот директор на Интер, Бепе Марота, ја искористил актуелната ситуација во Барселона и го завршил трансферот на Роберто.