Раководството на Севилја му врачи отказ на аргентинскиот стручњак Хорхе Сампаоли по серијата лоши резултати во Примера.
Сампаоли го презеде клубот во октомври минатата година, а по само шест месеци доби отказ. Севилја загуби четири од последните седум првенствени натпревари, вклучувајќи го и катастрофалниот пораз од Атлетико Мадрид со 6:1, и моментално е само два бода над зоната за испаѓање.
„По поразот од Хетафе, клубот одлучи да се раздели со аргентинскиот тренер пред репрезентативната пауза“, се вели во соопштението на Севилја и се додава дека клубот наскоро ќе добие нов тренер.
Ова е негово второ заминување од Севилја, откако беше тренер на клубот од Андалузија во сезоната 2016/17. Тогаш „Рамон Санчез Писхуан“ го напушти за да ја преземе репрезентацијата на Аргентина.
Севилја моментално е на 14. место во Примера со 28 бодови.
Единственото натпреварување во кое Севилја игра добро оваа сезона е Лигата на Европа каде во четвртфиналето ќе се соочи со Манчестер Јунајтед.