Македонскиот прволигаш Шкендија потврди дека фудбалерот Зија Мерџани заработил кинење на предните вкрстени лигаменти на левото колено на пријателскиот натпревар против Сараево во Словенија.
„Зија Мерџани беше нужно заменет на контролната средба со Сараево во подготвителната фаза во Словенија. Првите прегледи дадоа индиции за сериозна повреда, но откако играчот беше подложен на дополнителни и детални тестови за да се утврди степенот на повредата, за жал резултатите го потврдија најлошото.
Дефанзивецот доживеа кинење на вкрстените лигаменти (АКЛ) на левото колено и на 24 јули ќе добие термин да оди на операција која ќе го оддалечи од терените подолг период“, соопштија од Шкендија.