Актуелниот шампион Шкендија со 4:1 ја совлада Македонија Ѓорче Петров во Тетово за да се доближи на осум поени до лидерот Вардар, откако „црвено-црните“ вчера одиграа само 0:0 против Работнички.
Имери им донесе водство на тетовци во 39. минута, но гостите израмнија од пенал во 58. минута преку Јашароски, пред за само четири минути Шкендија да го комплетира пресвртот. Незири во 60. минута стрелаше за 2:1, а Имери со вториот гол во 64. минута ја потврди победата, пред Зејнулаи во 79. минута да зголеми на 4:1.
Шкупи пак, во лутото дерби, загуби со 2:3 од тимот на Ренова. Сержињо им донесе водство на домаќините во 24. минута, но во финишот на полувремето, Ренова направи пресврт со головите на Кадриу и Адеми. Иако во второто полувреме останаа со два играчи помалку по црвените картони за Глишиќ и Бианор, финишот беше интересен ,бидејќи Сержињо во 80. минута намали на 2:3.
ПРВА ЛИГА, 21.КОЛО
Академија Пандев – Борец 0:0
Шкендија – Македонија Ѓорче Петров 4:1
Шкупи – Ренова 2:3
ВЧЕРА
Вардар – Работнички 0:0
Струга – Силекс 0:0
Табела: 1.Вардар 43, 2.Шкендија 35, 3.Силекс 32, 4.Македонија ЃП 29, 5.Академија Пандев 28, 6.Шкупи 25, 7.Струга 25, 8.Ренова 25, 9.Работнички 22, 10.Борец 21.
Фото: ФК Шкендија