Герет Бејл се прости од Реал, но нема да се прости од Мадрид. Шпанските медиуми денеска открија дека Бејл му бил понуден на Хетафе, бидејќи тој и неговото семејство не сакаат да го напуштат главниот град на Шпанија.
Бејл сака едногодишен договор, сака да остане во Мадрид и не му е важно во кој клуб, па му било понудено да се пресели во Хетафе.
Бејл сака да ја одржува формата до мундијалот во Катар, а потоа најверојатно ќе се пензионира, поради што сака договор на само една година.
Се шпекулираше дека Бејл би можел да се врати на Островот, но приоритет му е да остане во Шпанија, поточно во Мадрид.
Тој во главниот град на Шпанија пристигна во 2013 година од Тотенхем.