Излегувањето на Синиша Михајловиќ од болница и директното упатување со тимот на „Олимпико“ за дуелот со Рома, очигледно ги инспирираше фудбалерите на Болоња, кои успеаја да стигнат до импресивна 3:2 победа над „волчицата“.
Sorti de l’hôpital aujourd’hui et sur le banc ce soir pour #RomaBologna : Sinisa Mihajlovic. pic.twitter.com/QnGCBZmtf5
— GuillaumeMP (@Guillaumemp) February 7, 2020
Рикардо Орсолини уште во 16. минута ги донесе гостите во водство, но само шест минути подоцна Рома израмни со автоголот на Денсвил. До ново водство не се чекаше долго, откако Муса Бароу во 26. минута постигна гол за 1:2, а во 56. минута истиот фудбалер стрелаше за шокантно 1:3 водство.
Хенрик Мхитарјан во 72. минута им даде надеж на домаќините дека е можен пресврт, но само осум минути подоцна тие остана со играч помалку по црвениот картон за Брајан Кристанте.
Со поразот, Рома пропушти шанса барем привремено да се искачи на четвртото место и останува петта со 33 поени, додека Болоња има шест помалку и е на високото шесто место.