Стефан Чолаковски, досегашниот напаѓач на Мелбурн Сити, е нов член на Перт Глори. Младинскиот репрезентативец потпиша двегодишен договор со Перт.
Тој во 2021 година дебитираше за младата фудбалска репрезентација до 21 година.
„Воодушевен сум што потпишав договор со Перт Глори, тоа е клуб со голема традиција. Среќен сум што ќе ја продолжам кариерата во еден реномиран клуб и се надевам дека ќе дадам голем придонес за идните успеси на Перт Глори“, изјави Стефан Чолаковски.