Top Sport

Тухел: Кепа и Ридигер покажаа „карактер“ по тепачката

Менаџерот на Челси, Томас Тухел ги потврди информациите за физичка пресметка помеѓу голманот Кепа Аризабалага и дефанзивецот Антонио Ридигер на тренинг на „сините“, но посочи дека двајцата покажале „вистински карактер“ со тоа што се смириле пред четврт-финалето од ЛШ против Порто.

Конфликтот се случи во неделата, по првиот пораз на Тухел на клупата на Челси, понижувачките 2:5 од Вест Бром, и самиот Тухел морал да интервенира и да спречи поголем инцидент. Сепак, за фудбалерите нема да има казна.

„Работите меѓу Тони и Кепа малку се загреаја. Ја смиривме ситуацијата веднаш. Такви работи нема да прифаќаме, но се случуваат во фудбалот. Првата реакција не беше океј, но потоа, како се смирија беше фантастично и покажаа дека се почитуваат. Веднаш беше решено. Понекогаш има ситуации кои можат да станат големи, но затоа интервенирав“, вели Тухел.

Смиреност е потребна на „Стемфорд бриџ“, бидејќи во следните седум дена прво играат со Порто во првиот меч од четврт-финалето на Лигата на шампионите, па дуел со Кристал палас, пред уште еден меч со Порто (двата меча со португалскиот клуб ќе се играат во Шпанија).

Проблеми во Челси – Ридигер исфрлен од тренинг по тепачката со Кепа

AnimeDao animes online: Watch Your Lie in April Episode 16 (https://animedao.nl/m/BKP/ep-16)

WCOStream ben 10 alien force wcostream: Watch Boku no Hero Academia 5th Season Episode 1 (https://wcostream.cc/m/aBD1/ep-1)

Scroll to Top