Турската фудбалска федерација (ТФФ) потврди дека има план во јули и навивачите да бидат присутни на трибините во Суперлигата.
Минатата недела ТФФ потврди дека националниот шампионат продолжува на 12 јуни без навивачи на трибините, но сега претседателот на федерацијата, Нихат Оздемир најавува дека тие очекуваат бргу да се вратат и фановите.
„Нашата прва цел е да се комплетира шампионатот за да нема најразлични проблеми. Сакаме да се заврши на теренот, а постојано ќе има тестови и мерки на претпазливост. Ако има позитивни случаи на корона вирус, ќе ги ставиме во карантин и ќе продолжиме. Има земји каде што има поголеми проблеми, а се враќаат на фудбалот. Првата цел е да се комплетира шампионатот, а потоа ако работите одат како што треба во јули може да имаме и мечеви со навивачи“, вели Оздемир во интервју за италијанскиот „Кориере дело спорт“.