Белгиецот Ромелу Лукаку ќе може да игра против Јувентус во реваншот од полуфиналето во Купот на Италија. Одлуката за суспензија на напаѓачот на Интер ја укина претседателот на Италијанската фудбалска федерација Габриеле Гравина, објави прес-службата на организацијата.
Во соопштението на федерацијата се вели дека однесувањето на Лукаку е мотивирано од расистичкиот однос на навивачите на клубот од Торино. Суспензијата на белгискиот напаѓач е наречена „мерка за борба против сите форми на расизам“.
Inter, Gravina grazia Lukaku: contro la Juve in Coppa Italia ci sarà https://t.co/Pi6xH7btbl
— La Gazzetta dello Sport (@Gazzetta_it) April 22, 2023
Лукаку реализираше пенал во 95. минута од првиот полуфинален натпревар од Купот на Италија против Јувентус и го прослави голот затворајќи ги очите и затварајќи ги ушите со прстите во знак на револт. Овие постапки судијата ги оцени како провокативни и на Белгиецот му го покажа втор жолт картон на натпреварот. Така Лукаку ризикуваше да го пропушти вториот полуфинален меч против Јувентус.
Реваншот меѓу Интер и Јувентус ќе се одигра на 26 април, а првата средба заврши 1:1.