Дони ван де Бек ќе го облече дресот со број 34 во Манчестер јунајтед во чест на својот близок пријател Абделхак „Апи“ Нури, тврди британскиот „Дејли мејл“.
Доколку ова се покаже како вистина ќе биде фантастична посвета на својот пријател од детството и поранешен соиграч од Ајакс, Нури, кој доби срцев напад и колабираше на терен на пријателски меч со Вердер во 2017. Тој доби сериозно и постојано оштетување на мозокот и беше во кома три години.
Ван де Бек минатата година кажа една анегдота околу Нури и неговиот помлад брат Роди ван де Бек. Роди бил во болница со тумор на грбот и Нури бил заинтересиран како може да му помогне.
„Тешко ми е да зборувам за тоа бидејќи сакам да го држам внатре во мене. Кога сум тажен, некако излегувам од таа ситуација и не ми бил потребен психолог, бидејќи моите пријатели и семејството се доволни за мене. Апи беше супер среќно момче, кое не мислеше на себе, туку на тие најблиските. Беше најдобар со другите, голема личност. Одеше во посета на затворите во Холандија за да помогне на младите луѓе да добијат нова шанса. Работеше со болни луѓе и деца со пречки во развој. Секогаш ќе го паметам тоа. Кога мојот брат Роди беше болен, Апи покажа неверојатен интерес. Уште не можам да сфатам зошто му се случи тоа“, изјави Ван де Бек во интервју за „Де Телеграф“.
ABDELHAK NOURI??
Club: Several
Position: Several
Number: 34Perhaps the most emotional story, Abdelhak Nouri collapsed in a pre-season friendly in 2017 for Ajax, and was diagnosed with permanent brain damage. As a tribute, several players now wear his no.34 in his honor pic.twitter.com/YKdP2sAL9m
— Jonas Giæver (@CheGiaevara) January 8, 2020
Состојбата на Нури се подобрува, но прогресот е многу бавен!