Top Sport

(ВИДЕО) „Ѓаволите“ го растурија Челси и обезбедија пласман во ЛШ

Манчестер Јунајтед го победи Челси со 4:1 на „Олд Трафорд“ и успеа да обезбеди пласман во Лигата на шампионите следната сезона на едно коло пред крајот на шампионатот во Премиерлигата. Тимот на Франк Лампард одамна нема амбиции во првенството, па на таков начин го одигра и овој дуел.

Касемиро донесе водство за „ѓаволите“ во шестата минута, а Антони Марсијал зголеми на 2:0 во последните мигови од првиот дел. Бразилецот Ентони заработи сериозна повреда и тоа единствената лоша вест за Ерик Тен Хаг од овој меч.

Во вториот дел, Бруно Фернандеш реализираше пенал, во листата на стрелците се запиша и Маркус Рашфорд, а почесниот гол за Челси го постигна Жоао Феликс во 89.минута.

Scroll to Top