Баерн Минхен најверојатно ќе се раздели со голманот Јан Зомер само шест месеци откако го ангажираше од Борусија Менхенгладбах. Швајцарецот нема да биде избор број 1 по враќањето на Мануел Нојер и тоа воопшто не му одговара, па затоа сериозно размислува да ја напушти „Алијанц арена“.
Интерес за Зомер има од четири клуба. Го бараат Валенсија, Вилјареал, Лестер и Монако, пишува „Кикер“.
34-годишниот чувар на мрежата сака да игра редовно за да биде и дел од тимот на Швајцарија за ЕП 2024, а тоа нема да биде можно на „Алијанц Арена“. Се очекува Баварците да побараат околу 10 милиони евра за правата на Зомер.