Top Sport

Facebook Twitter

(Видео) Ливерпул извлече реми против германскиот второлигаш Гројтер Фирт

Фудбал Makfax / 24.07.2023

Иако резултатите од летната пред-сезона не вредат ништо кога ќе почне „вистинското“, Јирген Клоп сигурно е малку загрижен откако неговиот тим едвај стигна до 4:4 реми со германскиот Гројтер Фирт. Првиот дел од летните подготовки, „црвените“ го поминуваат во татковината на Клоп со мечеви со локалните клубови.

Против Гројтер, тие имаа подобро прво полувреме, во кое Луис Дијаз ги донесе во водство во 22. минута од мечот. По промената на стартните 11 во второто полувреме, Гројтер израмни преку Американецот Џулијан Грин веќе во 48. минута, пред Дарвин Нуњез да постигне два убави гола во 50. и 59. минута за пресврт и 1:3 водство.

Гројтер, пак, потоа целоно се вратија во игра – Лукас Петков во 67. минута стрелаше за 2:3, по што имаше две асистенции до Арминдо Зиб во 74. и 77. минута за 4:3. Мо Салах во 89. минута постигна гол по асистенција на Нуњез за да спречи засрамувачки пораз од второлигашот.

За потсетување во првиот меч во Германија, Ливерпул ги победија Карлсруе со 4:2, иако до 90-тата минута резултатот беше 2:2.

Scroll to Top