Поранешниот аргентински репрезентативец Хуан Роман Рикелме го одигра својот проштален натпревар со Бока Јуниорс. Еден од идолите на „Ла Бомбоњера“ се повлече од активно играње пред девет години. Над 50.000 навивачи ги исполнија трибините на митскиот стадион за да уживаат во спектаклот со кој легендите на Бока ја победија со 5:3 селекцијата на Аргентина предводена од Лионел Меси.
Само 24 часа претходно Меси учествуваше во уште едно збогување, на Макси Родригез во родното Росарио.
Тој доби исклучително топло добредојде на „Ла Бомбоњера“, па дури и се расплака додека навивачите го скандираа неговото име.
По спектакуларниот натпревар, Рикелме застана на центарот на теренот и го зеде микрофонот за да им се заблагодари на сите кои го почестија со своето присуство.
„Фудбалот ми даде сѐ во животот. Благодарение на него и купив куќа на мајка ми. Многу работи ми се случија и имав среќа да играм со најголемиот, со оној за кој сонував како дете – Диего Марадона“, изјави возбудениот Рикелме, облечен во дресот со број „10“ на Бока со името на Марадона.
Messi got emotional when La Bombonera started singing “Dale Campeon” to him ❤️🏆pic.twitter.com/uywjIJ4SAo
— All About Argentina 🛎🇦🇷 (@AlbicelesteTalk) June 25, 2023