Францускиот првак Пари Сен Жермен доживеа елиминација во осминафиналето на Лигата на шампионите, а спортскиот директор на тимот Луис Кампос веќе напорно работи на изборот на засилувања за следната сезона.
На „Паркот на принцовите“ се очекува да има големи промени претстојното лето. Клубот сака да се раздели со Нејмар, сѐ уште е неизвесно дали ќе остане и Лионел Меси, а и Килијан Мбапе е незадоволен од резултатите на „светците“.
ПСЖ го „пикираше“ Виктор Осимен како нова ѕвезда за нивната летна селекција. Напаѓачот има извонредна сезона со тимот на Наполи и досега има постигнато 21 гол и четири асистенции на 26 натпревари во сите натпреварувања.
Во последните неколку дена во Париз бил одржан состанок меѓу агентот на Виктор Осимен и претставниците на ПСЖ, на кој клубот изразил голема желба, но и финансиска подготвеност да го реализира неговиот трансфер од Наполи.