Top Sport

Вучиниќ: Хрватска е лига за себе во регионот, Србија се уште е многу далеку

Поранешниот црногорски фудбалски репрезентативец Мирко Вучиниќ смета дека хрватската фудбалска репрезентација се уште е многу посилна за разлика од српската.

„Гледав многу натпревари и видов многу добри работи. Факт е дека Хрватска со години има резултати за кои останатите земји од регионот може само да сонуваат. Не мислам тука само за Србија, БиХ или Црна Гора, туку и доста пошироко.
Регионот и завидува на Хрватска, но не само по среброто во Русија. Тоа трае веќе 25 години, без сериозна пауза. Тоа е доказ за вистинска класа и добра работа. Хрватска е секогаш тука, многу близу до врвот“ смета Вучиниќ.

Црногорецот смета дека Србија сега „се крева“.

„Секако, Србија може и против Хрватска, тоа би бил одличен дуел, би сакал да го гледам. Два слични стила на игра, играчи кои добро се познаваат. Но Србите мора да се свесни дека се уште се далеку зад Хрватска. Србија сега `се крева`, но ќе видиме дали се во состојба да го прават она што Хрватите го прават веќе 25 години. Хрватска е лига за себе во нашиот регион“ смета поранешниот фудбалер на Лече, Рома и Јувентус.

Scroll to Top