Поранешниот директор на Јувентус, Лучано Моџи, рекол дека „Старата дама“ од наредната сезона ќе биде предводена од Зинедин Зидан, додека актуелниот тренер Масимилијано Алегри ќе се пресели во Реал Мадрид.
Моџи, во интервју за една италијанска телевизија, рекол дека информацијата ја добил директно од клубот.
Зидан бил играч на Јувентус од 1996 до 2001 година, кога токму Моџи го договорил неговиот трансфер во Реал за 73,5 милиони евра. Наводно, поради Јувентус, Зидан ја одбил понудата да седне на клупата на Манчестер Јунајтед.
Реал Мадрид и минатото лето имаже желба да го донесе Алегри, меѓутоа Италијанецот ја одбил понудата, со образложение дека се уште не ја завршил својата мисија во Торино, односно дека со Јувентус сака да ја освои Лигата на шампионите.