Кошаркарите на САД ја декласираа Канада 94:68 во последниот контролен меч пред почетокот на Светското првенство во Кина.
Американците во Австралија одиграа добар меч и не дозволија изненадување. Во саботата САД загубија меч по пауза од 13 години. Од нов подобри беа Австралијците со 98:94.
Најефикасни кај Американците беа Џејлен Браун со 19 поени, односно Кемба Вокер и Донован Мичел со по 12 поени. Канада ја предводеше Кајл Вилчер со 18 пони. За Канада не играше најдобриот играч Кори Џозеф.
СП во Кина на програмата е од 31 август до 15 септември. САД се во група со Јапонија, Чешка и Турција, а Канада ќе игра против Литванија, Австралија и Сенегал.