Top Sport

Армани потврди – Ледеј две години во Милано

Американецот Зек Ледеј наредната сезона ќе го носи дресот на Армани Милано, потврди италијанскиот клуб. Крилниот-центар минатата сезона го носеше дресот на Жалгирис.

Зек Ледеј со Армани милано потпишал две годишен договор.

„Благодарен сум што добив можност да дојдам во Милано и што ќе можам да соработувам со одличен тренер“, рекол Американецот по пристигнувањето во Милано.

Минатата сезона во дресот на Жалгирис, Ледеј во Евролигата имал просек од 11,8 поени и 4,7 скока по натпревар.

Ледеј бил играч на универзитетите Јужна Флорида и Вирџинија Тех, а во Европа настапувал во Хапоел Гилбоа, Олимпијакос и Жалгирис.

Армани Милано претходно потпиша договори со Малком Дилејни и Џиџи Датоме.

Scroll to Top