Лука Дончиќ беше непрепознатлив по третиот пораз на Далас во низа (117:109) од Шарлот. Заштитен знак на Дончиќ на теренот и надвор од него е насмеаното лице, но сега изгледаше и зборуваше непрепознатливо тажно, отсутно, незаинтересирано.
„Толку сум фрустриран. Мислам дека сите го гледате тоа кога ќе ме видите на теренот. Но, јас сум толку фрустриран во моментов поради многу причини, не само поради кошарката. Имам многу работи надвор од теренот, што се поголеми од кошарката, но не сакам да зборувам за мојот приватен живот“, истакна Дончиќ.
Затоа, новинарите го прашаа што треба да се подобри за Далас конечно да почне да победува.
„Мораме да се бориме напорно и да играме подобро, и тоа е сѐ. Мораме да покажеме дека се грижиме за резултатите, а прво морам тоа да го сторам јас“, посочи словенечкиот кошаркар.
Mavericks’ Luka Doncic expressed that he doesn’t feel the same joy on the court lately. He mentioned there’s “a lot going on” beyond basketball. pic.twitter.com/tgpViirHEo
— Grant Afseth (@GrantAfseth) March 25, 2023