Пелистер е последниот полуфиналист во македонската прва лига, откако доминираа во „мајсторката“ против Феникс 2010 за 81:56 победа и за дуел со ТФТ Скопје во полуфиналето. Во втората полуфинална пресметка ќе се сретнат лутите стари ривали, МЗТ Скопје и Работнички.
Пелистер започна одлично поведувајќи со 22:11, но дозволија Феникс да се врати во игра и да дојде на 22:18, и потоа да бидат израмнети до полувремето. Но, во третата четвртина, Пелистер заигра далеку пообро и поведе со 57:39, предност која потоа лесно ја одржаа до крајот на мечот.
Стајиќ и Маслинко заедно имаа 32 поени (15, односно 17), додека за Феникс, Хот имаше 22 поени и 11 скока.
Фото: КФМ