Кошаркарскиот клуб Барселона денеска потврди дека во нивните редови доаѓа големо засилување – Пау Гасол. Легедарниот шпански кошаркар потпипал договор до крајот на сезоната.
„Среќен сум што се враќам во клубот во кој никнав и возбуден поради можноста. Се надевам дека брзо ќе придонесам за екипата“ напиша Гасол на социјалните мрежи.
Muy feliz de volver a casa.⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
Força Barça! ?? pic.twitter.com/NtfG3UUssE— Pau Gasol (@paugasol) February 23, 2021
Шпанецот дресот на Каталонскиот клуб го носеше последен пат во 2001. Година кога соиграч тогаш му беше актуелниот тренер на клубот, Шарунас Јасикевичиус.
Потоа тој се пресели во НБА лигата каде помина цели 18 сезони играјќи за Мемфис, Чикаго, Сан Антонио, Милвоки и Лос Анџелес Лејкерс – тимот со кој двапати беше шампион во лигата.
Пау Гасол шестпати беше дел од Ол-стар мечевите, двапати беше дел од втората НБА петорка.
Со Шпанија освои три златни медали, две сребра и две бронзи од Евробаскетот, каде трипати беше МВП.