Top Sport

Прв пораз за Пелистер во АБА 2

Широки Бријег му го нанесе првиот пораз на Пелистер во новата сезона во АБА2 лигата. По победите над ТФТ и Шенчур, кошаркарите на Пелистер загубија со 83:73 од босанскиот тим, кој стигна до првата победа.

dobivaj vesti na viber

Пелистер добро го почна натпреварот, по првиот период обезбеди три поени позитива, а на полувреме замина со два поени предност (40:38).

Сепак, во третата четвртина Широки Бријег го презеде водството, а до крајот го зголеми и на двоцифрена разлика (83:73).

Во победничкиот тим најефикасен беше Брзоја со 27 поени. Кај Пелистер се истакнаа Хаџифејзовиќ со 20 и Мустафица со 12 поени.

Во следното коло битолскиот тим ќе се сретне со Вриједноснице Осијек.

Scroll to Top