Кошаркарската репрезентација на Србија со пораз (97:92) се враќа од гостувањето во Грција во претпоследниот натпревар од квалификациите за Мундобаскет. Србите долго време имаа двоцифрена предност, но на крајот забележаа пораз во Атина.
Грците го загубија водството уште во првата четвртина, за Србија постојано да ја има предноста, а потоа домашните го имаа најголемото водство на крајот од продолжението, кога беше +4.
По голема драма и откако се играше продолжение, репрезентацијата на Србија загуби, а важен момент беше неспортскиот фаул досуден на Огњен Јарамаз на 6,7 секунди до крајот на мечот.
Никос Рогкавопулос со 28 поени беше најефикасен кај Грците, пред Димитрис Мораитис пред 23 поени, додека кај Србија, Никола Милутинов постигна 24 поени, пред Дејан Давидовац со 11 поени.
Во последното коло од квалификациите за Мундобаскет, Србија се соочува со Велика Британија и овој меч е клучен за пласман на Светското првенство. Голема помош Србите добија од лидерот Летонија која ја совлада фаворизираната Турција (74:83), а со тоа Србија остана на третото место во групата, кое води на СП 2023.