Јан Весели и Никола Миротиќ блеснаа за Барселона, која потешко од очекувањата стигна до 89:81 победа над Жалгирис за да го удвојат водството пред гостувањето во Литванија.
Чехот Весели постигна 26 поени, најмногу за него оваа сезона со 10-од-14 од поле, додека Миротиќ имаше 22 поени, од кои 18 во второто полувреме, а одличната одбрана потоа ја запечати победата.
За Жалгирис, Едгарас Улановас постигна 13 поени, додека Игнас Браздеикис беше најефикасен со 20 поени. Третиот меч се игра во Каунас во среда, а Жалгирис има најдобар домашен скор во Евролигата оваа сезона од 25-4.
Во Грција пак, Фенербахче се врати од негатива од 16 поени, за да израмни на 1:1 во серијата против Олимпијакос за 82:78 победа. Во тилер завршница, Џонатан Мотли ги донесе Фенер во водство 77:76 на 1:31 пред крајот, за потоа во следниот напад Шек Меккисик да биде фаулиран и да ги промаши двете слободни фрлања. Фенер потоа утна два обиди од поле, пред Гудуриќ да ја го реши мечот со две слободни фрлања. Следните два меча се играат во Истанбул.
ЕВРОЛИГА, ПЛЕЈОФ
(2:0) Барселона – Жалгирис 89:81 (20:21, 25:23, 23:22, 21:15)
(1:1) Олимпијакос – Фенербахче 78:82 (24:10, 13:24, 19:17, 22:31)