Швајцарскиот тенисер Роџер Федерер за помалку од два часа го победи австралискиот тенисер Ник Кирјос о 2-1 (6-7 7-5 и 10-7) на Лејвер купот.

Федерер на Тимот на Европа му донесе предност од 5-3 на вториот ден од натпреварувањето. Тука Швајцарецот имаше консултатска помош и од Надал.

Федерер прв стигна до брејк, поведе со 3-1, но Австралиецот направи рибрејк и сетот отиде во тајбрејк. Тука Швајцарецот поведе со 4-0, но Кирјос се врати во ритам, освои 7 од наредните 8 поени и поведе со 1-0.

Во вториот сет се играше израмнето. Се стигна и до 5-5, сепак Федерер направи брејк и го освои овој сет израмнувајќи на 1-1.

Во третиот сет, според правилата на Лејвер купот, се играше „супер тај-брејк“. Федерер лесно стигна до предност од 8-3, по што мечот го реши во своја корист.


Претходно победа за Тимот на светот донесе Американецот Џок Иснер кој славеше со 2-1 над Александер Зверев.
Во тек е дуелот меѓу Шпанија и Канада, односно меѓу Надал и Раониќ.