Top Sport

Facebook Twitter

Манџукиќ верен на „Старата дама“, потпиша договор до 2021 година (видео)

Фудбал Makfax / 05.04.2019

Хрватскиот фудбалер, Марио Манџукиќ потпиша нов договор со Јувентус кој ќе трае до 2021 година. Со оглед дека тогаш Хрватот ќе има 36 години можно е ова да е неговиот последен договор во кариерата. Актуелниот договор на голгетерот му истекуваше летото 2020 година, а со него тој заработуваше по 3,5 милиони евра годишно плус бонусите.

Новиот договор кој стапува на сила од ова лето е побогат од претходниот, па со него Манџо ќе заработува по 5 милиони годишно, плус бонусите.

Хрватскиот интернационалец во Јувентус дојде летото во 2015 година за отштета од 21 милион евра од Атлетико Мадрид.

За речиси 4 години во дресот на „Старата дама“ одигра 158 меча, постигна 43 гола, а асистираше при 23 погодока.

Соиграчите и навивачите особено го ценат затоа што е „најдобриот дефанзивец меѓу напаѓачите“.

Scroll to Top