Top Sport

Мешков Брест во утешен триумф над Нексе стигна до бронзата

Белоруски Мешков Брест по синоќешниот болен пораз од скопски Вардар на Ф4 турнирот во регионалната СЕХА лига што се игра токму во Брест, денеска имаше утешен триумф против Нексе со 24:19. Со победата Мешков го освои бронзениот медал во регионалното натпреварување

Во натпревар со мал број на погодоци Мешков Брест фуриозно стартуваше и поведе со 5-1, предност што на полувремето се намали на 4 разлика, беше 12:8.

Во второто полувреме единствено што гостите од Хрватска успеаја е да се вратат на минус 3, но тоа не беше доволно за изненадување. Мешков одигра дисциплинирано до крајот и триумфираше за прва бронза во СЕХА.

Најпрецизен кај победничкиот тим беше Баранау со 5 гола, а Обрадовиќ постигна 4. Во тимот на Нексе, Јагањац и Шипиќ по петпати прецизно стрелаа.

Во 19 часот во финалето за трофејот ќе се борат Вардар и Загреб.

Scroll to Top