Аргентинскиот фудбалски ас, Лионел Меси е освојувачот на трофејот „Пичичи“ по шестипат во кариерата откако сезонава беше најдобар стрелец во Примера со 36 гола.
Ова е трет трофеј во низа за сјајниот фудбалер со што се изедначи со легендата на Атлетик Билбао, Телм Зар кој рекордот го постави пред 66 години.
Меси конечниот број голови сезонава го постави по вчерашното реми (2-2) со Еибар нагости.
Ниту еден играч во историјата на Шпанското фудбалско првенство не го освоил „Пичичи“ со толку голема разлика како Меси сезонава. Суарез и Бензема останаа на -15 гола зад него. Претходно рекордер беше Хуго Санчез со 14 гола повеќе од следбениците во сезонат 1986/87.
Аргентинецот во дресот на Барселона е главен фаворит за освојување на Златната копачка во Европа и тоа трета година во низа, а вкупно шестипат во кариерата.
Меси има 4 гола повеќе од првиот до него, Килијан Мбапе кој се уште има шанси да го стигне, доколку биде голгетерски расположен во последното коло во Лига 1.
Со вкупно 50 гола на 49 натпревари во сите конкуренции Меси петтипат во кариерата дојде барем до бројката 50. Тој ефект ќе може да го подобри во финалето на Купот на кралот против Валенсија.
Lionel Messi has now finished LaLiga top scorer in six different seasons:
? 09-10: 34 goals
? 11-12: 50 goals
? 12-13: 46 goals
? 16-17: 37 goals
? 17-18: 34 goals
? 18-19: 36 goalsOne more season and he will break the LaLiga record he now holds with Telmo Zarra. ? pic.twitter.com/Uh7GeL7TQb
— Coral (@Coral) May 19, 2019