Премиер лигата ги објави номинациите за играч на сезоната и за најдобар млад фудбалер. На двете листи има по шест имиња, а двајца Лирој Сане и Хари Кејн се во конкуренција за двете награди. Најмногу номинирани фудбалери има Манчестер сити.
Покрај Хари Кејн од Тотенхем, во конкуренција за престижната награда влегоа и Кевин Де Брујне, Лирој Сане и Давид Силва од Манчестер сити, Мохамед Салах од Ливерпул и Давид Де Хеа од Манчестер јунајтед. Најсериозни кандидати се Салах и Де Брујне.
Во конкуренција за најдобар млад играч покрај Кејн и Сане, влегоа уште Рахим Стерлинг и Едерсон од Манчестер сити, Маркус Рашфорд од Манчестер јунајтед, односно Рајан Сесињон од Фулам.
За играч да влезе во конкуренција за оваа награда тој не смее да има повеќе од 23 години во моментот кога започнува сезоната во Англија.
Минатата сезона наградите ги освоија Нголо Канте од Челси и Деле Али од Тотенхем.
Наградите ќе бидат доделени на 22 април во Лондон.