Top Sport

„Сан“: Барса сака од Олмо да направи нов Меси, Јунајтед сака да ги спречи!

Пред два дена, италијански „Тутоспорт“ објави дека во трката по потписот на младиот шпански фудбалер, Дани Олмо се вклучи и Јувентус. За играчот на Динамо Загреб од претходно се заинтересирани Милан и Манчестер Сити.

Од вчера во целата приказна се вклучи и Барселона, како што потврди „Мундо Депортиво“.

Денеска британски „Сан“ донесува информација дека најскапиот играч на „модрите“ е желба и на Манчестер Јунајтед.

„Ѓаволите“, според информациите, веќе понудил 25 милиони евра за Олмо, но од Динамо ја одбиле понудата.

Олмо на 119 меча за Динамо има постигнато 32 гола, а Солскјаер наводно се воодушевил од неговите перформанси во ЛШ, каде на секој од дуелите Шпанецот бил најдобар во екипата.

Британскиот медиум наведува и дека Јуве и Барса имаат јасни планови околу судбината на шпанскиот фудбалер. Кај Сари би играл во тандем со Дибала, а Барселона во него гледа потенцијална замена за Лео Меси кога ќе дојде време за негова „пензија“.

Scroll to Top