Светскиот рекет број 1, Новак Ѓоковиќ доживеа неочекуван и незгоден пораз во полуфиналето на Катар опен во Доха, откако Шпанецот Роберто Баутиста Агут се врати од загубен сет и брејк негатива во вториот за 3:6/7:6(6)/6:4 победа.
Во меч од два и пол часа, двајцата тенисери играа на високо ниво, а Баутиста Агут го крена нивото во вториот сет, кој го доби во драматичен тај-брејк, пред во последниот сет да му биде доволен еден брејк за победа.
Баутиста Агут сега има 2-7 скор против светскиот број 1, кој сега може целосно да се фокусира на Австралија опен, првиот гренд слем од сезоната кој почнува за две недели. Ѓоковиќ загуби првпат пред едно финале од Торонто минатиот јули!
Во финалето, Баутиста Агут ќе игра со подобриот од пресметката меѓу фаворитот Томаш Бердих и италијанското изненадување, Марко Чекинато.
Фото: ЕПА
Robertooo ?@BautistaAgut shocks No.1 Djokovic 3-6 7-6(6) 6-4 to advance to the Doha final!#QatarTennis pic.twitter.com/TQdmOfW3eQ
— Tennis TV (@TennisTV) January 4, 2019
World number one Novak Djokovic is OUT of the Qatar Open after losing in three sets to Roberto Bautista-Agut. pic.twitter.com/EAnfGVFCAK
— bet365 (@bet365) January 4, 2019