Поранешниот олимписки и светски шампион, Кенениса Бекеле имаше фантастичен кам-бек за победа на маратонот во Берлин во неделата, поставувајќи второ најдобро време во историјата, за само 2 секунди зад светскиот рекорд.
Етиопјанецот Бекеле, кој победи во Берлин во 2016 година, а покрај тоа е светски рекордер на 5.000 и 10.000 метри, ја заврши брзата патека за 2:01:41, за две секунди поспоро од рекордот на Кениецот Елиуд Кипчоге, кој лани истрча 2:01:39, а ќе се обиде да го сруши митското време од 2 часа на маратонот во Виена на 12 октомври.
Бекеле беше дел од групата со сонародниците Бирхану Легесе и Сисај Лема, кои се одвоија уште на стартот, по што Легесе, победникот од Токио оваа година, ги остави зад себе Бекеле и Лема по 30 километри. Меѓутоа, Бекеле имаше фантастичен финиш за да го помине Легесе за импресивна победа.
In the greatest comeback in marathon running history, Kenenisa Bekele went from busted at 30km, to missing the world record by 2seconds. #BerlinMarathon #marathon #running pic.twitter.com/YhJBxacsUN
— Brendan Bradford (@1bbradfo) September 29, 2019