Top Sport

Facebook Twitter

Брињоне со нова победа, овојпат во комбинација во Австрија (видео)

Микс Makfax / 12.01.2020

Италијанката Федерика Брињоне продолжи со фантастичната форма во Светскиот куп оваа сезона, триумфирајќи во трката во алпска комбинација во австрискиот ски-центар Алтенмаркт-Цаухензе за четврта победа за италијанските скијачки оваа зима и 12. во кариерата на Брињоне.

Брињоне имаше најдобро време во супер-џи делот од трката, по што имаше и солидно слаломско возење, за да ја одбрани предност од Швајцарката Венди Холденер, која не успеа да надополни доволно време и заостана 0.15 секунди.

Одличниот ден за Италија го комплетираше Марта Басино со третото место со 0.82 секунди заостанување пред Австријката Рамона Зибенхофер.

Со победата, Брињоне сега има 565 поени во генерален пласман на второто место зад недостижната Американка Микаела Шифрон (826), додека трета е Словачката Петра Влхова (513).

Scroll to Top