Британската атлетска легенда, четирикратниот олимписки шампион на 5.000 и 10.000 метри, Мо Фара стигна до својата прва маратонска победа во кариерата во само третиот маратон, триумфирајќи во Чикаго со време од 2:05:11.
Фара успеа да го победи Етиопјанецот Мосинет Геремев и Јапонецот Сугуру Осако, а времето од 2:05:11 е европски рекорд, трет континентален рекорд за Фара по 1.500 метри (3:28.81) и 10.000 метри (26:46.57). Претходниот европски рекорд беше на Норвежанецот Сондре Нордстад Моен од 2:05:48.
Фара во април постави време од 2:06.21 во Лондон за да го сруши 33 години стариот британски рекорд на Стив Џонс, а минатиот месец по петти пат победи на „Грејт норт ран“.
„Условите не беа најдобри и сите мислеа на тоа, а не на времето, но на крајот успеавме и тоа да го поправиме. Финишот на трката беше прекрасен“, вели Фара.
Кенијката Бригид Косгеи победи во женската трка со време од 2:18:35.
Фото: ЕПА
Congratulations to @Mo_Farah, the male winner of the 2018 #ChicagoMarathon, with an official time of 2:05:11! pic.twitter.com/XdnDBwUSn1
— Chicago Marathon (@ChiMarathon) October 7, 2018