Меѓународната скијачка федерација (ФИС) донесе одлука да продолжи суспензијата за руските и белоруските спортисти за сите натпреварувања. Во март годинава беше одредена суспензија, која сега е продолжена и за новата сезона.
„Во интерес на зачувување на интегритетот на натпреварувањата на ФИС и безбедноста на сите учесници, а во согласност со препораките на ИОК, Извршниот одбор одлучи да ја задржи забраната за настап на руските и белоруските спортисти на сите натпреварувања“, соопшти ФИС по состанокот во Зелден.