Ветеранот Беат Фојц го победи својот швајцарски сонародник Марко Одермат на неверојатниот спуст на патеката Штрајф во Кицбил, кој за разлика од петочната трка, овојпат стартуваше од врвот, за првпат по 30 години двајца Швајцарци да се на првите две места на легендарната падина Ханенкам.
Ова е 16. победа од Светскиот куп и трета на спустот во Кицбил, со што влегува во елитната група на скијачи со хет-трик на најпознатиот спуст на светот покрај Дидие Куш (5), Франц Кламер (4), Доминик Парис (3), Франц Хајнцер (3), Карл Шранц (3), Лук Алфан (3) и Пирмин Цурбриген (3).
На лидерот во генерален пласман, 24-годишниот Марко Одермат, првата победа во Кицбил му избега за 0.21 секунди, но за утеха беше тоа што го зголеми водството во генерален пласман. Честа на Австријците ја одбрани Даниел Хеметсбергер со 0.9 секунди послабо време за прв подиум во неговата кариера.
Олимпискиот шампион, Австриецот Матијас Маер повторно беше четврти како во петокот, пред Фрацузинот Жоан Кларе и победникот од петокот, Норвежанецот Александер Омот Килде.
"The master shows the apprentice a trick or two!" ??
Defending downhill champion Beat Feuz steals the lead from fellow Swiss skier Marco Odermatt in Kitzbuhel ?#FISAlpine | @BeatFeuz pic.twitter.com/wJw8a2uI6I
— Eurosport UK (@Eurosport_UK) January 23, 2022