Поранешниот УФЦ шампион во лесна категорија, Хабиб Нурмагомедов повторно беше тема на дискусија на Интернет, откако во необична изјава ги нападна девојките кои ги покажуваат рундите во УФЦ кафезот.
Иако практиката на разголени девојки кои парадираат меѓу рундите е стара многу подолго од УФЦ, посебно во боксот, Нурмагомедов вели дека девојките секогаш го правеле да се чувствува „неудобно“.
„Видете, не сакам да навредам никого, но девојките кои покажуваат рунди се најбескорисните луѓе во борбените спортови. Која е нивната функција? Бројот на рундата веќе се покажува на екраните. Дали тие го развиваат спортот? Помагаат на луѓето да видат дека се работи за втора рунда? Што прават, точно, ќе ми објасните? Сфаќам дека се работи за историја, но во историјата има многу грешки од кои треба да учиме. Ова е моето лично мислење. Кога одев на борбите со мојот татко, ми беше навистина непријатно“, вели Нурмагомедов.